لا حياه لمن تنادي
مقتطفات بالعربي
.
.
صحيح انه رجال المرور والشرطه هم بواسل الوطن وتقف لهم وقفه احترام بس ما يمنع انك تلاقي حمير وسط هالبواسل
وكان سبب حُكمي :انه شئ طبيعي تلاقي تفتيش للمرور في الشارع بس المشكله انه بعد ما يطلب منك رخصة السواقه واستماره ملكيه السيارة وتكون في السليم، تنفجع انه يقولك ان الرخصه والاستماره ما عليها تصديق من الغرفة التجارية فعلا هذي جديدة .. فعلا حمار يعني نظره ما قدر يميز انا راكب سياره وللا دكان
ومن متى اصبح دور العسكري نفس دور موظف وزاره التجارة ولا اصبحوا يعشقوا الفلسفه والتلكيك للبشر.. فعلا بعد ما تظهر العين الحمره وتكشف عن انيابك يوصلك اعتذار عن الحاصل وبالعربي يجيبوا الكلام لنفسهم
.
.
قريبا جدا راح نسمع انه كان في جدة بشر عايشين والسبب انه جميع سكانها مهددين بالانقراض .. اجل الانقراض
ومثل ما قال الشاعر : تعددت الاسباب والموتُ واحدُ
اعمده الاناره متأكله من الصدأ وتكاد تطيح ، وحفر تبلع البشر مع سياراتهم ولا ننسى الحواجز الحديديه والاسمنتيه اللي اغلب الوقت خارجه من مكانها ومتجه على الشارع ولو عرفت تهرب من هذول كلهم ما راح تعرف تهرب من حمى الضنك
بالعربي ينفع يمثلوا فلم فاينل دستنيشن 4 في جدة
.
.
المراحل الدراسية من اولى ابتدائي لحد اخر سنه في الجامعه انت جالس تنذل وجالس على اعصابك تنجح او ما تنجح ومهمتك بس تسمع وما تتكلم لانك جاهل في نظرهم ،اكيد اول ما تتخرج راح بس تتكلم و ماراح تسمع لاحد وراح تقاطع الكل في كلامهم لانك مكبوت خلال مسيرتك العلميه وراح تعيد كل اللي حصل معاك على الجيل الجاي بالعربي العقده راح تستمر
.
.
هل يعقل وانت طالب جامعي مثابر وجالس في محاضره لدكتور، المفروض يكون محترم وليس واطي وحقير يجلس لك في نجاحك بسبب انه ابوك عضو شرف نادي من النوادي الجماهيريه وهو مشجع لنادي اخر منافس؟؟
بالعربي الواطي راح يفضل واطي حتى لو كان على درجه من العلم
.
.
قد تكون في قمه الفرح والسعاده لانك على مشارف اجازتك وتكون خلاص مسافر وناسي انه في رجعتك راح تنسى احلى ايام في سفرتك كلها وتتنكد لانه وانت في المطار يستقبلك ال .....؟ وبالعربي فيها الفساد الا ما رحم ربي
.
.
الدوائر الحكوميه لا تروحها الا اذا كنت تعرف احد فيها لانه راح تطلع عيونك اذا ما عندك واسطة وبالعربي هي معموله لاصحاب الواسطات
.
.
السوق طالع ، في طيحه ، هامور ، تجميع ، احمر ، مخضر ، داخل فيها قروب ،اليوم نسبه ،في هبده بالعربي اغلب من في السوق مثل الخراف بس تردد ولا تعلم انها سوف تأكل . معاهم معاهم عليهم عليهم
.
.
لوجاء واحد من الشعب وقال السياحه الداخليه مافي مثلها انا مجربها ، صدقوني لو جاته الفرصه يسافر للسياحه للخارج راح يكون اول واحد في المطار لانه خايف يقول الحقيقه المُره بالعربي اتورط ويبي غيره يتورط مثله علشان يبرد قلبه
.
.
ارحمونا ..ارحمونا
.
.
يتبع
posted by RAED 4744 @ 10:12 AM
22 Comments:
يكفي إنو بعضهم ما يعرفوا يقرأو أصلاً
تلاقي يقارن الإسم في الرخصه والإستماره بالشكل بس
و أتعس شي لما أكون مع السواق (إللي ما يتكلم عربي) وتمسكنا دوريه على شي أهبل
هيا حلني على بال ما يجيني واحد من أخواني عشان يحل المشكله
ولا أسوي فيها رجاله و أتفاهم معاه أنا بنفسي ولا كيييف؟؟
الله يعين بس
السلام عليكم ورحمة الله
انا احييك يا رائد على الموضيع الهادفه اللي كتبتها
واشكرك لا نك اتكلمت عن مشكلتي مع دكاتره الجامعه
بكل بساطع انت ابدعت
يالله
في امان الله
أهلاً رائد
الظاهر انك لك قصص مفجعة مع الثلاثي الشرير
الدكاترة المدارس والدوائر الحكومية
صبرا جميل والله المستعان
اولا مبروك يا رائد علي الشكل الجديد
اليوم ما كنت في مود ابد
لكن موضوعك
ما خلني في حالي
:-)
فاينل دستنيشن مره وحده؟؟
الصراحه مقالك لازم ينحط في جريده
والله يكون بعونكم
ساره
حلو انك اول وحده وخذي هذي حلاوه شكولاته
:))
منتظر تعليقك على الموضوع وما شاء الله شكلك اتعديتي من جماعه في حكايه اول واحد
هههههه
esraa.$
والله صادقه في كلامك بس انا ما الومهم انا الوم اللي يخلي المرور والشرطه مقبره للاميين
على موضوع الدوريه لو مسكوا السواق او مسكوكي بس بلغيني
هههههه
:))
صرت اعشق اضارب معاهم
:))
الله المستعان
وبالتوفيق واسعدني على مرورك
حمزة
شكرا لان قطتفات عجبتك
بس المشكله انه مهما واحد تكلم كانه ينفح في قربه مخروقه
هههههه
وعلى معاناتك مع الدكاتره كلنا عانينا
ومازالت المعاناه مستمره بسبب وجود مثل هالاشكال في الجامعه
وسلملي على مدير الجامعه اللي نايم في العسل
فيلسوف
اسعدني تواجدك
واقولك شئ انا مو عندي مساكل مع الثلاثي لوحدي
المشكله مع كل الشعب والمشكله ما راح تتوقف لانها مستمره حتى للجيل الجاي
والله يستر
ليال
ما تعرفي قد ايه اسعدني كلامك وتواجدك
:))
انا مني عارف ايش ارد عليكي بس ما خفيا كان اعظم
والجرائد اصلها كتبت لحد ما جفت اقلامهم بس لا حياه لمن تنادي
لا حول ولا قوة الا بالله
الاسمراني راكان
احييك على دخلتك
هههههههههههه
لو بنتكلم عن كل دي المواضيع ما راح نخلص
الله المستعان
بس كنت بقول الحمد لله على سلامتك
:)
ومبروك الستايل الجديد
للأسف حنا شعب نتعلم على المذلة من أول ابتدائي وقبل بعد
بس تصديق الغرفة التجارية على الرخصة والأستمارة هذه من جد تحفة
يا أخي كان مفروض تصوره وتنشره بالبلوتوث
تالا
الله يبارك فيك وربي يسلمك
وعلى قولتك ما نقول غير الله المستعان
بس مستغرب وانت تطمحي تكوني صحفيه وتسكتي على الكلام هذا وتكتفي بالله المستعان؟؟
منوره المدونه
ساره
ماشي صح
شكرا على مروركم
:))
اهلا رائد
انتا تكلمت عنه ووفيت نوعا ما
ويمكن اني ما كتبت لاني عارفه انه الموضوع ماله نهاية إلا بتغير الجذري في اشياء احنا مالنا يد فيها يعني انتا تقدر تغير اخلاق هذا الاستاذ او حتلقى احد يسمعلك عن سوء الطرق في جدة
هنا المشكلة اننا بنتكلم وقد لا نجد من يسمع
يعني زي ما قلت لا حياة لمن تناااااااااادي
لكن لما احس انو ممكن اني لما اتلكم القى صدى ايجابي مو صدى كلامي يرجع لي وكأنه شي ما عملته حأتلكم عن اشياء كثييييييرة مو بس اللي ذكرتها
تالا
ما دام كده عمروا ما راح نتكلم
ونكون اشبه للقرود الثلاثه لا ارى ولا اسمع ولا اتكلم
زعلني كلامك لانك اول وحده كنت اتوقع تقول راح نتكلم ونتكلم لاخر نفس فينا ومو على حسب
:((
على العموم احترم رايك
:))
ومنوره من جديد البلوق
:))
إختلاف في وجهات النظر
تالا
فعلا اختلاف رأي ولكن لا يفسد للود قضيه
هد أعصابك والدنيا مش مستاهلة، اشرب كوفي ، وهذا الحل...
بدلا أن تلعن الظلام،،،أضئ شمعة :)
نصيحه لا تنادي ... ماعندك أحد يسمع راح صوتك يروح وانت تنبح قصدي تصوت
سلملي على الوطن :)
رائد
كلامك صحيح مية بالمية خيوو
شو بدنا نقول او نعمل الله بيعين بس
وعلى فكرة لاتنسى تمر على مدونتى تبارك لرواتي
:))
Post a Comment
Subscribe to Post Comments [Atom]
<< Home